مصراوى
عضو متحمس
عدد المساهمات : 32
السٌّمعَة : 0
تاريخ التسجيل : 08/12/2009
العمر : 33
 | | موضوع: البطاله فى مصر... الخميس ديسمبر 10, 2009 2:40 am | |
| منذ لحظات قليله كنت اتابع برنامج خاص بأحدث الأخبار المحليه و العالميه و قد كان من حظى معرفة هذا التقرير المفزع الذى خرج علينا به اللواء أبوبكر الجندي رئيس الجهاز المركزي للتعبئة العامة والإحصاء و قال فيه ان نسبة البطاله فى مصر بلغت 51% من حملة المؤهلات العليا....
يعنى تخيلوا معايا انه اكتر من نصف اللى تخرجوا من حملة المؤهلات العليا حسب التقرير هم عاطلون عن العمل
اكيد طبعاً اللى درس اقتصاد متاكد تماماً انها بطاله سافره...
واللى مش عارف يعنى ايه بطاله سافره اقوله البطاله السافره يعنى مجموعه من العاطلين لديهم شهادات تؤهلهم للعمل فى مجالات مختلفه و يقبلون العمل فى ظل المرتبات الحاليه و لكنهم لا يجدون هذا العمل"ليعنى رضينا بالهم والهم مرضيش بينا"
و طبعاً انا واحد منهم...
طبعاً كانت السيده الوزيره يطول عمرها ويعلى قدرها عائشه عبد الهادى وزيرة القوى العامله و الهجره قالت انه مابقاش فيه بطاله فى مصر"تييييييييييييت" و ده كان فى شهر فبراير...
اول مره اعرف انه كذبة ابريل بتطلع فى فبرابر.. ومن السنه دى و تقريباً كده ابريل عندنا طول السنه...
بس الحمد له رد عليها سيادة اللواء و كشف الكذبه اياها و فى نفس الوقت اللى يدخل على موقع القوى العامله هايلاقى حاجات غريبه جدا...
والله العظيم انا اول مره اعرف انه الهاربين بيبقى ليهم امتيازات.. ده متهيالى فى مصر بس.. تخيلوا انه الوزاره بتعلن عن قبول طلبات راغبى العمل بالدول الأجنبيه واولها ايطاليا و بيعملوا تنسيق معاها فى الموضوع ده بس ايه الإمتياز لمحاولين الهرب قبل كده ضحايا الهجره الغير شرعيه و اهاليهم سبحان الله...
على العموم انا عندى تقرير تانى لسه جايبه من على موقع جبهة انقاذ مصر لو تحبوا انزله اوك بس ياريت الأول نحاول نناقش الموضوع و نحاول نوصل لحاجه رئيسيه او معلومه مفيده نقدر نبدأ منها.....
منتظر بجد مناقشه جاده لأنى جبت اخرى مع البلد. | |
|
